LSGD Adalat Portal
Download PDF
Back
Application Detail
Docket Number:
Type of Service:
District:
Local Body Type:
Local Body:
Name:
Contact Address:
Kurisinkal (H), Vazhithala P.O, Thodupuzha, 685 583.
Brief Description on Grievance:
“ഭരണഭാഷ മാതൃഭാഷ” പ്രേഷകന്‍:- ശ്രീ. ജോയ് ജോസഫ്, കുരിശിങ്കല്‍ വീട്, വഴിത്തല.പി.ഓ, തൊടുപുഴ. ഫോണ്‍ :- 9400974055 ഗ്രാഹകന്‍:- സെക്രട്ടറി മണക്കാട് ഗ്രാമ പഞ്ചായത്ത്‌. സര്‍, വിഷയം :- SC3 -3311039/25 Dt. 21-07-2025 റവന്യൂ റിക്കവറി ഡിമാന്റ് നോട്ടീസ് സംബന്ധിച്ച്. സൂചന :- എന്‍റെ ഉടമസ്ഥതയിലുള്ള മണക്കാട് പഞ്ചായത്ത്‌ 12-ആം വാര്‍ഡില്‍ സ്ഥിതിചെയ്യുന്ന 56, 57, 58, 59 എന്നീ നമ്പറുകളില്‍ ഉള്ള കെട്ടിടം തൊടുപുഴ താലുക്ക്, മണക്കാട് വില്ലേജ്, ബ്ലോക്ക് നമ്പര്‍ 11 ല്‍, റീ-സര്‍വ്വേ നമ്പര്‍ 497/9-1 ല്‍ പെട്ട 1335 ച.മീറ്റര്‍ ഭൂമി എന്‍റെ ഉടമസ്ഥതയിലും, കൈവശത്തിലും ഉള്ളതാണ്. മണക്കാട് പഞ്ചായത്ത്‌ 12-ആം വാര്‍ഡില്‍ ഉള്‍പ്പെട്ട ഈ വസ്തുവില്‍ സ്ഥിതിചെയ്യുന്ന 56, 57, 58, 59 എന്നീ നമ്പറുകളില്‍ ഉള്ള കെട്ടിടത്തിനു മുകളില്‍ ഒരു നിലകൂടി നിര്‍മ്മിക്കുന്നതിന്, 2011 ലെ പഞ്ചായത്ത്‌ കെട്ടിടനിര്‍മ്മാണചട്ടം, അദ്ധ്യായം 14 A, ചട്ടം 97 A, 97 B, എന്നിവ പ്രകാരം , A4 - 851/15, Dt. 05-10-2016 നമ്പറായി എനിക്ക് അനുമതി ലഭിച്ചിരുന്നു. സാമ്പത്തിക ബുദ്ധിമുട്ടുകളും, രോഗങ്ങളും കാരണം നിര്‍മ്മാണം പൂര്‍ത്തിയാക്കാന്‍ കഴിയാതിരുന്നതിനാല്‍, 10-10-2019 ല്‍ A4-2118/19 നമ്പറായി ടി അനുമതി മൂന്നു വര്‍ഷത്തേക്ക്കൂടി പുതുക്കി വാങ്ങുകയും ചെയ്തു. 09-10-2022 വരെ അനുമതി ഉണ്ടായിരുന്നെങ്കിലും പൂര്‍ത്തിയാക്കുവാന്‍ കഴിയാതിരുന്നതിനാല്‍ ഒരിക്കല്‍ക്കൂടി പുതുക്കി കിട്ടുന്നതിനു അപേക്ഷ സമര്‍പ്പിച്ചെങ്കിലും, ഭീമമായ തുക ഫീസ്‌ അടക്കുവാന്‍ നിര്‍ദ്ദേശിച്ചതിനാല്‍ കഴിഞ്ഞില്ല. എന്നാല്‍ ഭാഗീകമായി പൂര്‍ത്തിയായ ഭാഗത്തിന് നമ്പര്‍ ലഭ്യമാക്കണമെന്ന് ആവശ്യപ്പെട്ടു ഞാന്‍ അപേക്ഷ സമര്‍പ്പിച്ചെങ്കിലും, പഞ്ചായത്ത്‌ പരിഗണിച്ചില്ല. 1998 ല്‍ നിര്‍മ്മിച്ച കെട്ടിടത്തിനു മുകളില്‍ ഒരുനിലകൂടി നിര്‍മ്മിക്കുന്നതിന്, 2011 ലെ പഞ്ചായത്ത്‌ കെട്ടിടനിര്‍മ്മാണചട്ടം, അദ്ധ്യായം 14 A, ചട്ടം 97 A, 97 B, എന്നിവ പ്രകാരം അനുമതി നല്‍കിയിരുന്നു എങ്കിലും, നമ്പര്‍ ലഭ്യമാക്കുന്ന അവസരത്തില്‍ ഈ ചട്ടം പരിഗണിച്ചില്ല. തുടര്‍ന്ന് 2024 ലെ തദ്ദേശവകുപ്പ് മന്ത്രിയുടെ അദാലത്തില്‍ ഞാന്‍ പരാതിപ്പെടുകയുണ്ടായി. ഒരുനില മാത്രമുണ്ടായിരുന്ന എന്‍റെ കെട്ടിടത്തിനു മുകളില്‍ കയറുന്നതിനുള്ള സ്റ്റെയര്‍ നിലവിലുണ്ടായിരുന്നു. എന്നാല്‍ എന്‍റെ പരാതി സംബന്ധിച്ച്, പഞ്ചായത്തില്‍നിന്നും അദാലത്തിലേക്ക് റിപ്പോര്‍ട്ട് സമര്‍പ്പിച്ചപ്പോള്‍ സ്റ്റെയര്‍ അനധികൃതമായി നിര്‍മ്മിച്ചതാണെന്ന് തെറ്റായി രേഘപ്പെടുത്തുകയുണ്ടായി. 05-10-2016 ല്‍ ലഭിച്ച കെട്ടിടനിര്‍മ്മാണ അനുമതിയില്‍ സ്റ്റെയര്‍ നിലവിലുണ്ടായിരുന്നതായി രേഘപ്പെടുത്തിയിട്ടുമുണ്ട്. അനുവദിക്കപ്പെട്ട UA നമ്പറിനു ഭീമമായ തുക നികുതി ചുമത്തിയിരിക്കുന്നതിനാല്‍ അടക്കുവാന്‍ നിവൃത്തിയില്ല. K S R T C യില്‍ നിന്നും ഡ്രൈവര്‍ ആയി വിരമിച്ച, ക്യാന്‍സര്‍ രോഗിയായ എനിക്ക് 10,000/- രൂപാ മാത്രമാണ് പെന്‍ഷന്‍ ലഭിക്കുന്നത്. ഞാന്‍ നടത്തിയിട്ടുള്ള നിര്‍മ്മാണ പ്രവര്‍ത്തിക്ക് യാതൊരുവിധ ചട്ടലംഘനവും ഇല്ലാത്തതിനാല്‍, UA നമ്പര്‍ അനുവദിച്ച നടപടി റദ്ദാക്കണമെന്നും, എന്‍റെ അപേക്ഷ പുന:പരിശോധിക്കണമെന്നും, റഗുലര്‍ നമ്പര്‍ അനുവദിച്ചുതരുന്നതിനു ആവശ്യമായ നടപടികള്‍ സ്വീകരിക്കണമെന്നും അപേക്ഷിച്ചുകൊള്ളുന്നു. വിശ്വസ്തതയോടെ വഴിത്തല, ജോയ് ജോസഫ് 25 -08-2025.
Receipt Number Received from Local Body:
Interim Advice made by IDK1 Sub District
Updated by സുരേഷ് എം എസ്, Internal Vigilance Officer
At Meeting No. 65
Updated on 2025-09-03 15:36:59
വിശദമായ പരിശോധന നടത്തുന്നതിലേയ്ക്കായി ടി വിഷയം അടുത്ത യോഗത്തില്‍ പരിഗണിക്കുന്നതിന് സമിതി ഐക്യകണ്ഠേന തീരുമാനിച്ചു.
Final Advice made by IDK1 Sub District
Updated by സുരേഷ് എം എസ്, Internal Vigilance Officer
At Meeting No. 66
Updated on 2025-09-27 16:08:30
മണക്കാട് ഗ്രാമപഞ്ചായത്ത് - ശ്രീ. ജോയി ജോസഫ് (11/09/2025) മണക്കാട് ഗ്രാമപഞ്ചായത്തില്‍ നിര്‍മ്മിച്ചിട്ടുള്ള പരാതിക്കാസ്പദമായ കെട്ടിടത്തിന്റെ ഒന്നാം നിലയ്ക്ക് നമ്പര്‍ അനുവദിച്ച് നല്‍കണമെന്ന് കാണിച്ച് 24.08.2024 ല്‍ സിറ്റിസണ്‍ അസിസ്റ്റന്റ് സ്ഥിരം അദാലത്തില്‍ പരാതിക്കാരന്‍ അപേക്ഷ നല്‍കിയിരുന്നതും അദാലത്ത് സമിതി ടി വിഷയത്തില്‍ സ്ഥലപരിശോധനയടക്കം വിശദമായി പരിശോധന നടത്തുകയും താലൂക്ക് സര്‍വ്വെയറുടെ സഹായത്തോടെ ടിയാളുടെ സ്ഥലം അളന്നുതിരിച്ച് സര്‍വ്വെ സ്കെച്ച് പ്രകാരം ബൌണ്ടറി കൃത്യമായി നിര്‍ണ്ണയിച്ച് പ്ലോട്ടില്‍ അനധികൃത നിര്‍മ്മാണം വരുന്നുണ്ടെങ്കില്‍ ടി ഭാഗം പൊളിച്ചുമാറ്റുന്നതിന് പരാതിക്കാരനോട് നിര്‍ദ്ദേശിക്കുന്നതിനും നടപടികള്‍ പൂര്‍ത്തിയാക്കാന്‍ താമസം വരുന്ന സാഹചര്യത്തില്‍ നിര്‍മ്മാണം പൂര്‍ത്തീകരിച്ചിട്ടുള്ള കെട്ടിടങ്ങള്‍ക്ക് UA നമ്പര്‍ അനുവദിക്കുന്നതിനും സെക്രട്ടറിയെ ചുമതലപ്പെടുത്തി തീരുമാനം എടുത്തിട്ടുള്ളതും ടി വിവരം പരാതിക്കാരനെ അറിയിച്ചിട്ടുള്ളതുമാണ്. ആയതുപ്രകാരം 12/56B(പാര്‍പ്പിടാവശ്യം), 12/56C(വാണിജ്യാവശ്യം) എന്നിങ്ങനെ താല്‍ക്കാലിക UA നമ്പര്‍ ഗ്രാമപഞ്ചായത്ത് അനുവദിച്ചിട്ടുള്ളതും നികുതി അടവാക്കുന്നതിന് ഡിമാന്റ് നോട്ടീസ് നല്‍കിയിട്ടുള്ളതുമാണ്. UA നമ്പര്‍ അനുവദിച്ച നടപടി റദ്ദാക്കണമെന്നും റഗുലര്‍ നമ്പര്‍ അനുവദിച്ച് തരണമെന്നുമാണ് നിലവില്‍ പരാതിക്കാരന്റെ ആവശ്യം. എന്നാല്‍ അദാലത്ത് സമിതി തീരുമാനപ്രകാരം താലൂക്ക് സര്‍വ്വെയറുടെ സഹായത്തോടെ ടിയാളുടെ സ്ഥലം അളന്നുതിരിക്കുന്നതിനോ സര്‍വ്വേ സ്കെച്ച് പ്രകാരം കെട്ടിടം ക്രമവത്ക്കരിക്കുന്നതിനോ ഉള്ള യാതൊരു നടപടിക്രമങ്ങളും പരാതിക്കാരന്‍ നാളിതുവരെ സ്വീകരിച്ചിട്ടില്ല. കൂടാതെ കെട്ടിടത്തിന്റെ ഒന്നാം നിലയില്‍ നിര്‍മ്മാണപ്രവര്‍ത്തനങ്ങള്‍ ഇപ്പോഴും തുടര്‍ന്നുവരുന്നതായും സ്ഥലപരിശോധനയില്‍ ബോധ്യപ്പെട്ടിട്ടുണ്ട്. കെട്ടിടത്തിന്റെ കിഴക്കുവശത്തുകൂടിയുള്ള നടപ്പുവഴി കൈയ്യേറിയിട്ടുള്ളതായി ഒരു കേസ് നിലനില്‍ക്കുന്നതായും പരാതിക്കാരന്‍ അറിയിച്ചിട്ടുള്ളതാണ്. മേല്‍ സാഹചര്യത്തില്‍ താലൂക്ക് സര്‍വ്വെയറുടെ സര്‍വ്വേ സ്കെച്ച് ലഭ്യമാക്കി പ്ലോട്ട് ബൌണ്ടറി കൃത്യമായി നിര്‍ണ്ണയിച്ച് ആയതിന്റെയടിസ്ഥാനത്തില്‍ അനധികൃതനിര്‍മ്മാണം ഉണ്ടെങ്കില്‍ ടി ഭാഗം പൊളിച്ചുമാറ്റിയതിനുശേഷം വരുന്ന അളവുകള്‍ പ്രകാരമുള്ള കംപ്ലീഷന്‍ പ്ലാനും കെട്ടിടം ക്രമവത്ക്കരിക്കുന്നതിനുള്ള അപേക്ഷയും അനുബന്ധരേഖകളും ഗ്രാമപഞ്ചായത്തില്‍ സമര്‍പ്പിക്കുന്നതിന് പരാതിക്കാരനോട് നിര്‍ദ്ദേശിച്ചും ടി വിവരം പരാതിക്കാരനെ അറിയിക്കുന്നതിന് സെക്രട്ടറിയെ ചുമതലപ്പെടുത്തിയും സമിതി ഐക്യകണ്ഠേന തീരുമാനിച്ചു.
Final Advice Verification made by IDK1 Sub District
Updated by സുരേഷ് എം എസ്, Internal Vigilance Officer
At Meeting No. 67
Updated on 2025-10-06 16:09:03
Attachment - Sub District Final Advice Verification:
