LSGD Adalat Portal
Download PDF
Back
Application Detail
Docket Number:
Type of Service:
District:
Local Body Type:
Local Body:
Name:
Contact Address:
SN JUNCTION,PERINGAMMALA, KALLIYOOR (PO) , THIRUVANANTHAPURAM
Brief Description on Grievance:
DUILDING REGULARISATION
Receipt Number Received from Local Body:
Final Advice made by TVPM4 Sub District
Updated by ജോസഫ് ബിജു, Internal Vigilance Officer
At Meeting No. 58
Updated on 2025-09-23 16:50:25
Report attached
Final Advice Verification made by TVPM4 Sub District
Updated by ജോസഫ് ബിജു, Internal Vigilance Officer
At Meeting No. 38
Updated on 2025-10-03 15:01:46
കല്ലിയൂര്‍ ഗ്രാമപഞ്ചായത്തിലെ ശ്രീ മഹാവിഷ്ണു ക്ഷേത്ര ഊട്ടുപുര നിര്‍മ്മാണത്തിന്‍റെ ഭാഗമായുള്ള നിര്‍മ്മാണ പ്രവര്‍ത്തനങ്ങള്‍ക്കെതിരെ ശ്രീ ദീപക്.എസ് എന്ന വ്യക്തി സമര്‍പ്പിച്ച പരാതിയിന്മേല്‍ ചട്ട ലംഘനമുള്ള കെട്ടിട ഭാഗം പൊളിച്ചു മാറ്റുന്നതിന് സെക്രെട്ടറി SNDP ഭാര വാഹികള്‍ക്ക് നോട്ടീസ് നല്‍കിയിട്ടുള്ളതാണ്. ആയതിനെതിരെ SNDP പെരിങ്ങമല ശാഖ സെക്രട്ടറി ബഹു:തദ്ദേശ സ്വയം ഭരണ വകുപ്പ് മന്ത്രിയ്ക്ക് പരാതി സമര്‍പ്പിച്ചിട്ടുള്ളതാണ് . 1972-ല്‍ നിര്‍മ്മിച്ച് 1975-ല്‍ നിര്‍മ്മാണം പൂര്‍ത്തിയാക്കിയ കല്യാണ മണ്ഡപത്തിന് എതിരെ കല്ലിയൂര്‍ ഗ്രാമ പഞ്ചായത്ത് സെക്രട്ടറി നിയമ നടപടി സ്വീകരിക്കുന്നതായും ആയത് നിര്‍ത്തി വയ്ക്കണമെന്നും കെട്ടിടം ക്രമവത്കരിക്കുന്നതിനുള്ള ഉത്തരവ് സെക്രട്ടറിയ്ക്ക് നല്‍കണമെന്നും അപേക്ഷിച്ചിരിക്കുന്നു .ഇത് സംബന്ധിച്ച് SNDP ശാഖാ സെക്രട്ടറിയോട് ആരാഞ്ഞതില്‍ 2015-ല്‍ ശ്രീ നാരായണ ജയന്തി തീയറ്റര്‍ സ്ഥിതി ചെയ്യുന്ന കോമ്പൌണ്ടില്‍ തന്നെയുള്ള മഹാവിഷ്ണു ക്ഷേത്രം പുനര്‍ നിര്‍മ്മിക്കുക യുണ്ടായെന്നും തദവസരത്തില്‍ കല്യാണ മണ്ഡപം മെയിന്റെനന്‍സ് നടത്തിയെന്നും ഫ്ലോറിംഗ് , സീലിംഗ് പോലുള്ള ചെറിയ പണികളാണ് 2017 ല്‍ അവശേഷിച്ച തെന്നും ഈ വിവരം അന്നത്തെ കല്ലിയൂര്‍ ഗ്രാമ പഞ്ചായത്ത് സെക്രട്ടറിയെ അറിയിച്ചിരുന്നതായും പണി പൂര്‍ത്തിയായ ശേഷം അപേക്ഷ സമര്‍പ്പിച്ചാല്‍ മതിയെന്ന് അന്നത്തെ സെക്രട്ടറി അറിയിച്ചതായും, എന്നാലിപ്പോള്‍ മണ്ഡപത്തിന്റെ ഭാഗങ്ങള്‍ പൊളിച്ചു മാറ്റുന്നതിന് സെക്രട്ടറി നോട്ടീസ് നല്‍കിയതായും അറിയിച്ചു. എന്നാലിത് സംബന്ധിച്ച് സെക്രട്ടറിയോട് ആരാഞ്ഞതില്‍ മണ്ഡപത്തിന്റെ നിര്‍മ്മാണ പ്രവര്‍ത്തനങ്ങളിലെ ചട്ട ലംഘനം സംബന്ധിച്ച് ശ്രീ ദീപക്.എസ് എന്ന വ്യക്തി നിരന്തരം പരാതി സമര്‍പ്പിച്ചിരിക്കുന്നതായും, ആയതനുസരിച്ച് സെക്രട്ടറി, എഞ്ചിനീയറിംഗ് വിംഗ് എന്നിവയുടെ പരിശോധനയില്‍ KPBR ചട്ടം 5 (4) Row -12 ഫയര്‍ NOC (റൂള്‍ 26 A), ആവശ്യമായ ഫ്രണ്ടേജിന്‍റെ അപര്യാപ്തത, കവേറേജ് ,ആക്സസ് വീതി എന്നിവയിലെ അപാകതകള്‍ കാരണം ചട്ടം ലംഘിച്ച് നിര്‍മ്മിച്ച അടുക്കള, വാട്ടര്‍ടാങ്ക്, ടോയലെറ്റ്‌ എന്നിവ പരിശോധനയില്‍ ബോധ്യപ്പെട്ടതിനെ തുടര്‍ന്നാണ് SNDP ശാഖാ അധികൃതര്‍ക്ക് നോട്ടീസ് നല്‍കിയതെന്നും ആയതിനാല്‍ ടി കെട്ടിടം ക്രമവത്കരി ക്കുന്നതിന് സാധിക്കില്ലായെന്നും സെക്രട്ടറി അറിയിച്ചു . അദാലത്ത് ഉപസമിതി സ്ഥലം സന്ദര്‍ശിച്ചതില്‍ കല്യാണ മണ്ഡപം രണ്ട് നിലയില്‍ പൂര്‍ത്തീകരിച്ചതായും ഇനി വളരെ കുറച്ച് മെയിന്റെനന്‍സ് വര്‍ക്കുകള്‍ മാത്രം അവശേഷിക്കുന്നതായും ബോധ്യപ്പെട്ടു . വര്‍ഷങ്ങള്‍ക്കു മുന്‍പ് നിര്‍മ്മിച്ച കല്യാണ മണ്ഡപം മുന്‍പ് രണ്ട് നിലയിലാണ് നിര്‍മ്മിച്ചിരിക്കുന്നതെന്നും , ഫ്ലോറിംഗ് , സീലിംഗ് നടത്തി മെയിന്‍റനന്‍സ് നടത്തിയിട്ടുണ്ട് . മാത്രമല്ല അടുക്കള മുന്‍പ് നില നിന്നിരുന്നതാണെന്നും ആയത് ഷീറ്റിട്ട് മെയിന്‍റനന്‍സ് നടത്തിയതെന്നും , പഴയ മണ്ഡപത്തിന് തെളിവായി കല്യാണ മണ്ഡപത്തിന്റെ പില്ലറുകള്‍ പരിശോധിച്ചാല്‍ മതിയാകുമെന്ന് SNDP ശാഖാ അധികൃതര്‍ പറഞ്ഞു.സ്ഥല പരിശോധനയില്‍ മണ്ഡപത്തിന് KPBR -19 പ്രകാരം ചട്ട ലംഘനമുണ്ടെന്ന് കാണുന്നു. പഞ്ചായത്തിന്‍റെ അസ്സെസ്സ്മെന്‍റ് രജിസ്റ്റര്‍ പരിശോധിച്ചതില്‍ 14/19 നമ്പര്‍ കെട്ടിടത്തിന്‍റെ ഉടമസ്ഥാവകാശം SNDP ശാഖയുടെ പേരിലാണെന്നും ഏക നിലയുള്ള പാര്‍പ്പിടാവകാശത്തിനുള്ള ഉപയോഗക്രമാണെന്നും കാണുന്നു .എന്നാല്‍ കോണ്‍ക്രീറ്റ് മേല്‍കൂരയുള്ള കെട്ടിട മെന്നും രേഖപ്പെടുത്തിയിരിക്കുന്ന കെട്ടിടത്തിന് ലൈബ്രറി സെസ്സ് ഉള്‍പ്പെടെ 175 രൂപ വസ്തു നികുതി ചുമത്തിയിട്ടുള്ളതായും കാണുന്നു. SNDP ഭാരവാഹികള്‍ മണ്ഡപം പുതുക്കിപ്പണിതിട്ടുണ്ടോയെന്ന് മനസ്സിലാക്കു ന്നതിന് സാധിക്കുന്നില്ല .എന്നാല്‍ മെയിന്‍റനന്‍സ് നടത്തിയ ശേഷം ചട്ട ലംഘനമുള്ളതായി കാണുന്നു . മാത്രമല്ല കെട്ടിട ഭാഗങ്ങള്‍ പൊളിച്ചു മാറ്റുന്നതിന് സെക്രട്ടറി നല്‍കിയ താത്കാലിക ഉത്തരവ് സ്ഥിരപ്പെടു ത്തിക്കൊണ്ട് സെക്രട്ടറി 08.02.2025 തീയതിയില്‍ അന്തിമ ഉത്തരവ് പാസാക്കിയി രിക്കുന്നു.എന്നാല്‍ SNDP ശാഖാ ഭാരവാഹികളെ നേരില്‍ കേട്ട് അവരുടെ ഭാഗം കൂടി കേള്‍ക്കുന്നതിനുള്ള നടപടി സെക്രട്ടറി സ്വീകരിച്ചതായി കാണുന്നില്ല .ആയതിനാല്‍ SNDP ഭാരവാഹികളെ നേരില്‍ കേള്‍ക്കുന്നതിനും ആയതനുസരിച്ച് പുതുക്കിയ ഉത്തരവ് പുറപ്പെടുവിക്കുന്നതിനും കല്ലിയൂര്‍ ഗ്രാമപഞ്ചായത്ത് സെക്രട്ടറി, അസ്സി : എഞ്ചിനീയര്‍ എന്നിവര്‍ക്ക് നിര്‍ദ്ദേശം നല്‍കി തീരുമാനിച്ചു .
